The post Die onmoontlikheid van a-millennialisme appeared first on Waarheid in Liefde Produksies.

Enigeen van die Meder-Persiese konings kon Artasasta genoem word, want dit beteken koning, soos Farao in Egipte.

Dan 11:2 En nou sal ek jou die waarheid te kenne gee. Kyk, nog drie konings sal opstaan vir die Perse, en die vierde sal groter rykdom verwerf as almal; en as hy sterk is deur sy rykdom, sal hy alles in beweging bring teen die koninkryk van Griekeland.

My beste verstaan van die konings van die Meder-Perse is die volgende.

Dit lyk of daar genoeg sekulêre bevestiging is van die verwoesting van Jerusalem in 586/587 vC. Dit word dus as ankerpunt vir die jaartal gebruik. Soortgelyk is daar bevestiging van die val van Babilon in 539 vC. Dit verskil nie 70 jaar nie; daarom probeer die Jehova-getuies die verwoesting van Jerusalem skuif na 606/7 vC, maar dis die verkeerde oplossing.  Die antwoord is dat die Joodse ballingskap wyer as hierdie gebeure gestrek het – dit het al begin toe Daniël en die eerste ballinge weggevoer is na Babilon, baie jare voor Jerusalem en die tempel verwoes is.

Die Judeërs is 4 kere weggevoer:

1. Van 23 jaar voor Jerusalem en die tempel se verwoesting was Juda onderdanig aan Egipte, toe koning Joahas, seun en opvolger van Josia, gevange geneem en weggevoer is na Egipte, en Jojakim, ‘n ander seun van Josia, aan bewind gestel is deur Nego van Egipte, dus 609 vC.
2. In die 3de jaar van Jojakim se 11 jaar van onderdanige regering het Juda onderdanig aan Babilon geword, dus 607 vC. Daniël en ander ballinge is toe weggevoer (Dan 1:1-4).
3. Sy seun Jojagin volg hom op in 598 vC, regeer net vir 3 maande, en gee homself oor aan Nebukadnesar van Babilon. Judeërs word toe op groot skaal weggevoer in ballingskap na Babilon, en Nebukadnesar maak Jojagin se oom, Sedekia, die regeerder van Juda.
4. Sedekia rebelleer teen Babilon, en word 11 jaar later deur Nebukadnesar verslaan, en Jerusalem en die tempel word verwoes, en nog Judeërs word weggevoer in ballingskap. Dit was dan 586/587 vC.

Die konings van die Meder-Perse:

1. Darius, die Meder, seun van ‘n onbekende Ahasveros, was 62 toe hy Babilon verslaan en koning geword het, in 539 vC (Dan 5:30 en 6:1 wat direk opmekaar volg). Hy was Darius van Daniël in die leeukuil. Hy word opgevolg deur Kores die Pers. Dan 6:29 lyk of dit dié volgorde ondersteun. Ek stel 539-537 vC voor vir sy heerskappy, want die 70 jaar is om in sy 2de jaar (Sag 1:12 en 7:5), en ook in die 1ste jaar van Kores (Esra 1:1,2).
2. Kores, die Pers, gee bevel om die tempel te herbou, 70 jaar nadat die Judeërs in ballingskap weggevoer is, in die 1ste jaar van sy regering, dus 539 vC of 537 vC of 528 vC of 516 vC, afhangende van wanneer die begin van die ballingskap beskou word as. Ek werk op 537 vC want dit klop met Darius die Meder se 2de jaar en Kores se 1ste jaar. Ek stel dus 537-522 vC voor vir sy heerskappy want die sekulêre geskiedenis noem Darius die Grote as heerser van 522 tot 486 vC. Die regeerders 3 tot 5 en 7 hieronder is die 4 konings van Dan 11:2. Dit beteken Daniël het tenminste 15 (raai van sy ouderdom toe hy weggevoer is) + 606 (2de jaar van Nebukadnesar, kyk Dan 2:1) – 537 + 2 (kyk Dan 10:1) = 86 jaar oud geword. Kores is opgevolg deur Darius die Grote.

(Ek los Cambyses II as opvolger van Kores uit omrede Dan 11:2 se openbaring van 3 + 1 konings, met gedeeltelike bevestiging uit sekulêre geskiedenis – kyk verwysings heelonder. Cambyses II het moontlik gedeeltelik regeer terwyl Kores nog aan bewind was.)

3. Darius die Grote het geheers van 522 tot 486 vC, en hy is opgevolg deur Ahasveros van Ester.
4. Ahasveros van Ester, was ook Artasasta, die koning van Persië, genoem, vgl Esra 4:6-11. Hy verhoed dat die tempel verder gebou word, waarskynlik vóór hy met Ester getroud is. Hy was moontlik Xerxes I van die sekulêre geskiedenis, 486-465 vC. Hy is opgevolg deur Darius die Pers.
5. Darius, die Pers, ook Artasasta genoem, vgl Esra 6:15 en 7:1, gee bevel om die tempel verder te herbou in sy 2de jaar, die tempel is voltooi in sy 6de jaar. Hy was waarskynlik Darius Longimanus van die sekulêre geskiedenis, want hy was al 20 jaar aan bewind toe Nehemia hom (Artasasta) in Neh 2 gevra het om Jerusalem verder te gaan herbou. Hy gee toestemming en Daniël se 70 sewetalle begin dan. Volgens die sekulêre geskiedenis is dit 444 vC. In Neh 13 is Artasasta al 32 jaar aan bewind. Sekulêre geskiedenis gee sy bewind as 465 vC tot 424 vC. 465-20=445 wat goed klop met die 444 vC hierbo genoem. Dit beteken die tempel was voltooi in 459 vC.
6. … ’n aantal konings. Dan 11:2 laat die moontlikheid blyk dat nog konings tussen my nommer 5 en 7 was.
7. Darius III: 336 tot 330 vC.

Die Griek Aleksander die Grote regeer van 336 vC tot 323 vC. Hy verslaan die Meders en Perse finaal in 330 vC.

Die Kores-silinder, wat in 1879 ontdek is in die ruïnes van Babilon, se teks wys dat Kores meer offerandes toegelaat het, en menswaardig opgetree het. Dit klop met die toelatingsbevel om Jerusalem se tempel te herbou. Daar is nie ‘n verklaring dat hy Babilon aangeval het nie, maar dat hy dit eerder wou herstel. Dit klop met die Bybelse inligting dat Darius die Meder Babilon ingeval het as voorganger van Kores.

The post Die Meder-Persiese konings appeared first on Waarheid in Liefde Produksies.

• Daar was ‘n pasga-ete vóór en ná die kruisiging
• Jesus was 3 dae en 3 nagte in die graf – wat beteken dit?
• Daar was speseryvoorbereiding/aankope net vóór en net ná ‘n sabbat.

‘n Relevante e-dokument en 4 video’s oor hierdie onderwerp is op hierdie webwerf te vinde. Kry dit gerus en neem deel aan hierdie gesprek. Ek gebruik graag hierdie gesprekke om my skrywes uit te brei en te verbeter.

The post Op watter dag is Jesus gekruisig? appeared first on Waarheid in Liefde Produksies.

Hierdie feit is goeie getuienis teen Jehova-getuies se dwaalleringe. Maar hulle verkies om te argumenteer vanuit hulle eie verdraaide bybels en geskrifte as basis. Daar is egter ‘n geval waar hulle nog nie hul bybel kon verdraai om die waarheid weg te vertaal dat Christus ook God is nie.

‘n Gratis e-dokument met die relevante Skrif is op hierdie webwerf te vinde. Kry dit gerus en neem deel aan hierdie gesprek. Ek gebruik graag hierdie gesprekke om my skrywes uit te brei en te verbeter.

The post Jesus word aanbid want Hy is God appeared first on Waarheid in Liefde Produksies.

Die huidige bedreiging van Israel deur Putin wat Iran en ander opsweep, lyk nog nie na die Esegiël-aanslag van Gog en Magog nie, want Amerika en Europa ondersteun grotendeels vir Israel. Dit mag vinnig verander as Israel Palestinië en Libanon bly aanval, en Iran tree ook toe, maar tot dan lyk dit of Gog nog in die toekoms lê.  Dit is egter merkwaardig dat daar reeds soveel optogte in Westerse lande is wat teen Israel gekant is. Turkye (Togarma) het hulle nou ook sterk uitgespreek vir Hamas en teen Israel. Dis merkwaardig dat Saoedi-Arabië (Skeba en Dedan) moontlik deel gaan word van die Abraham-ooreenkomste met Israel en uit die Skrif lyk of hulle redelik neutraal sal staan met die Esegiël-aanslag.

Maar dit lyk tog uit onderstaande Skrifgedeeltes of Israel ’n ruk lank veilig moet bly voordat hulle aangeval sal word deur omtrent die hele wêreld. Maar dit mag ook wees dat die relatiewe vrede wat Israel beleef het sedert die Sesdagoorlog van 1967 tot nou, die tydperk van vrede is waarna Esegiël verwys voor die Gog en die Magog en almal Israel begin aanval. In hierdie geval, is die finale Antichris en Jesus se wederkoms dan baie naby. Jesus sal dan kom, die wêreldse magte grotendeels verslaan, en as die Kneg Dawid op die troon van Israel sit vir ’n simboliese of letterlike 1000 jaar.

Ek dink ons moet maar ons gedagtes oophou vir beide moontlikhede – of nog ’n tyd of baie binnekort. Dis egter duidelik dat die wêreld besig is om te beweeg in die rigting van onderstaande profesieë.

‘n Gratis e-dokument met die relevante Skrif is op hierdie webwerf te vinde.

The post Die huidige Israel-Hamas-oorlog en Esegiël appeared first on Waarheid in Liefde Produksies.

‘n E-dokument met grafieke en verduidelikings van bogenoemde stellings en syfers, is op hierdie webwerf te vinde.

The post Vaksienes en Oorlog appeared first on Waarheid in Liefde Produksies.

Mens se antwoorde op die volgende 6 vrae spel jou siening van die eindtye nogal goed uit.

Die Ou Testament en die 1000 jr-vrederyk, Daniël se profesieë en Jesus se uitsprake oor die toekoms, te krye op hierdie webwerf, gee Skrifgedeeltes wat sekerlik in mens se antwoorde in ag geneem moet word.

The post Belangrike eindtydvrae appeared first on Waarheid in Liefde Produksies.

Maar selfs onder diep gelowiges bestaan daar verskillende vertolkings. Wat is reg? Dit help om te besef dat opinie A en B elkeen sy Bybelverse en -gedeeltes het waarop dit steun, maar elkeen het dikwels ook verse en gedeeltes wat nie so maklik versoenbaar met ‘n opinie is nie en dus verduideliking verg. ‘n Behoorlike opinie behoort die ondersteuningsverse en die moeilike verse te bevat en te adresseer.

Dit sal verder net goed wees om te besef dat nie opinie A of opinie B waarskynlik 100% reg is nie, maar eintlik vertolking C, waarvoor ons nie die insig het nie, en/of die Here het dit nog nie eenduidig geopenbaar aan enige mens nie. Selfs Paulus skryf: “Ek ken ten dele.”

Ek probeer in my Bybelstudies, byvoorbeeld oor die eindtye (Die Ou Testament en die 1000 jr-vrederyk, Daniël se profesieë en Jesus se uitsprake oor die toekoms) my eie opinie nie te prominent te maak nie, maar ek wil juis hê dat elke deelnemer by goeie motivering vir sy uiteindelike eie opinie kan uitkom. Die gesindheid in Bybelstudies moet vir seker sodanig wees dat sekere (natuurlike nie kardinales nie) verskillende opinies geakkommodeer kan word; dan kan dit vir almal tot seën wees. Ek glo die Here kan in selfs ons onvolmaakte verstaan van die Bybel, met ons praat en in ons werk.

The post Vertolkings van Bybelse gegewens appeared first on Waarheid in Liefde Produksies.

Efe 4:4-6: Dit is een liggaam en een Gees, soos julle ook geroep is in een hoop van julle roeping; een Here, een geloof, een doop, een God en Vader van almal, wat oor almal en deur almal en in julle almal is.

Wat beteken hierdie “een doop”? Hou in gedagte dat daar die doop van Johannes die Doper was (Hand 19:3), ook ‘n doop in die Naam van Jesus alleen (Hand 8:15-16), ‘n doop met die Heilige Gees (Hand 11:16), die doop in die Naam van die Vader, die Seun en die Heilige Gees, en dan ook nog die saak van vervulling met die Heilige Gees.

My siening is die volgende: Paulus se “een doop” verwys na die volledige doop soos ingestel deur Jesus net voor Sy hemelvaart, en dis die enigste doop wat sedert Jesus se hemelvaart ingestel behoort te word. Johannes die Doper se doop, en selfs die doop net in die Naam van Jesus, was nie die volledige doop nie. Vervulling met die Heilige Gees kan meermalig gebeur.

The post Die doop appeared first on Waarheid in Liefde Produksies.

Examine the observable universe’s place within the whole universe

1.1 Dit kom daarop neer dat dit vir elke waarnemer, maak nie saak waar hy in die heelal is nie, sal lyk of hy in die middel is van die sigbare heelal, maar in werklikheid is hy nie.

1.2 Die werklike heelal se grootte is onbekend en waar sy middelpunt is, is onbekend.

1.3 Daar is geen patroon van verspreiding in die heelal nie; die verspreiding van sterrestelsels is dus op groot skaal uniform.

1.4 Die ouderdom van die heelal word gegee as 13.8 miljard jaar, maar die radius van die sigbare heelal om ons word gegee as 23 miljard ligjaar, met ligspoed wat nog altyd konstant was.

1.5 Die verskil tussen 13.8 en 23 miljard (1 miljard = 1000 miljoen) ligjaar, word toegeskryf aan die heelal wat nog steeds groei, en dit wat ons nou sien as 13.8 miljard jaar weg, is in werklikheid nou al 23 miljard jaar weg.

1.6 Ons behoort ‘n oud-indien-naby- na jonk-indien-ver-verspreiding om ons in die heelal te sien, gegewe die ligspoed wat nog altyd konstant was. Daarom behoort die verste hemelobjekte baie jonger te lyk as die nabyes.

’n Skeppingsleermodel van die heelal, geskep omtrent 6000 jaar gelede, word bespreek in my video:

6000 jr volgens die Bybel, deel 4

2.1 Die heelal het ‘n middel en ons melkwegstelsel is omtrent in daardie middel.

2.2 Die middel is naastenby bepaalbaar want rooiskuifmetings wat met Hubble se Wet omgeskakel kan word na afstandsmetings, wys dat sterrestelsels om ons lê in sfere van digbevolkte en dunbevolkte gebiede.

2.3 Die toevallige kans dat ons in so ’n spesiale plek lê, is statistiesgesproke kleiner as 1 in ’n miljard – dit dui dus op doelbewuste plasing en skepping. Sou ons slegs halfpad na die naaste sterrestelsel aan ons, of meer, weg wees van die middel, sou ons die sferiese verspreiding nie gesien het nie.

2.4 Waarnemings met die Hubble-teleskoop wys dat die verste hemelobjekte volledig gevormde spiraalsterrestelsels is, en dus nie voldoen aan 1.6 hierbo nie.

2.5 Die Skepper soos geopenbaar in die Bybel, kon deur versnelde prosesse tydens die skeppingsweek omtrent 6000 jaar gelede, die sferiese patroon van verspreiding, ons spesiale plasing in die middel, en die skynbaar ewe-oud-struktuur van die heelal ongeag die afstand, tot stand gebring het.

The post Die grootte en die vorm van die heelal appeared first on Waarheid in Liefde Produksies.